مفهوم البوري

البوري اكيد كلنة نعرفة هوة الي ننقبل بي مي لكن احنة هسة مدة نحجي علة الي ننقل بي مي لا احنة دنحجي علة الي ينضرب بي الولد او البنية ومو ينضرب يعني ينركع بي وينجطل بالكاع لالالا احنة دنحجي علة البوري الي بالكلام اوكي ركزو يعني البوري نوعين ابو الانجين والعادي ابو الانجين ينضرب بي الولد اشلوووووون يعني من يكل الوحدة احبج تكلة خلينة اخوان لو تكلة انتة مجرد صديق لو تكلة احنة اخوان هاي يعني انضرب بوري ابو الانجين ويعني هذا زوج وقشمر وميعرف اوادمة اما الثاني تنضرب بي البنية لين ممعقولة ولد راح يكل لابنية خلينة اخوان لو انتي مجرد صديقة هاي من المستحيلات المهم النوع الثاني للبنات اشلووووون مثلا بنية تتفق وية واحد الياعة 6 تفتح ايميلهة هاي مو راح تفتح هذاك الولد مكبل وية اللخ هوة الزمال شمسوي متفق وية اللخ بال5 راح يبقة يحجي وية ذيج لل8 لين ماكو ولد وبنية يحجون ابساعة وحدة بس مو صح ؟ المهم هاي البنية راح تنضرب بوري اوكي اذن من هذا الحجي عرفنة تعريف البوري وهوة ذالك الشر الذي ينضرب به الانسان سواء كان ولد ابو بنت ويكون الضرب بالكلام وهوة علة نوعين ابو الانجين والعادي ........ واني راح احجيكم البوري مالتي اني دالي الفنانة الي تغني هواي اكيد شايفيهة هاي الغنت لو بس تدرب بية اشكد احبك هاي الاغنية يا شباب وصبايا الية لين هي تموت علية بس للاسف باعتني علمود علج بوبي شنوة العلج بوبي هوة علج كبير الحجم 2 بربع بالعراق وابدرهم ونص بالامارات ومن تاكلة الناس يكولون علج المخبل ترس حلكة لين كلش جبير المهم اني جنت طالع وية دالي ابمول امارات وهوة ااحلة مول بالوطن العربي واذا بي اشتهيت علج بوبي كتلهة راح اروح اجب علج بوبي تريدن كالت لا رحت ابكل برائة جبت ودفعت الدرهم ونص من رجعتلهة جان تكول ايا ابو نفس الدنية كتلهة ليش كالت غير تجيبلي كتلهة مو انتي كلتي ما اريد كالت وانتة ليش تصدك بية المهم حجت علية وطلعتني من الكلجية اني صرت عصبي جان طلعت العلج من حلكي وشمرتة عليهة هي كالت اي احسن خل اروح وية حسام الرسام اقلها يشتريلي بوبي باي وكت كتلهة يعني تبيعيني علمود علج بوبي كالت اي طبعا انتة توصل للعلج البوبي وهاي اني انضربت بوري ابو ال5 انجات شفتو القهر وصديقي هم مرة برتني سبيرز باعتة علمود باكيت جكاير كلواز احمر ومرة ابن خالي منة شلبي باعتة علمود نعال ابو الاصبع وهذا دليل على ان البواري بالعام بالوقت الخالي تقهر حيل شوفو القهر فاتمنة منكم يا شباب وصبايا تكونون حذرين البوري لين كلش يقهر والله واني حسيت بي من ورة دالي ومن ورة العلج بوبي وهمين شباب ابتعدو من العلج البوبي ومن الكلواس الاحمر ومن النعال ابو الاصبع لين هنة ذني ال3 اشياء سبب البواري اوكي وشكرا لحسن استماعكم تحيات حسام الشاعري