عـــــصـــــفـــــوره نبوض بعده بالباكيت
عدد الرسائل : 12 تاريخ التسجيل : 09/07/2008
| موضوع: كلمات بسيطه..للعراق الجريج الخميس يوليو 10, 2008 2:52 am | |
| وصفينا أيدنا ويه الكاع
حته الكاع ملّت من خطاوينه
وصفينا بلا أمل وياك
حته الأمل شال يوم الي سمع بينه
وصفينا أركام يامهيوب أسمك
ليش تريد تمسح كل أسامينه
وصفينا أيد تلو الايد
بعد ماحار الوكت شلون يلوينه
وصفينا الدم للركاب يسيل
بكل بيت الجفن حضرناه
خاف الموت يلفينه
وصفينا من الغروب أنام
بعد ماجانت سهر كلها ليالينه
وصفينا أنكول للي يموت
روح أخلص من قهرنا ومن بلاوينه
وصفينا بالتفك متحزمين
بس نكتل بعض والموت حادينه
وصارت كل مدنا كبور ظلمه
ونلبس بس سواد
شوكت ماجيت تلكينه
وصفينا عل الهويه نذبح الجيران
ولاجن سنين حلوه وياه كضّينه
وطولنا اللحايه وكصرنا الثياب
وصار بأسم الدين تطلع كل فتاوينه
وصفينا نخبط الصافي بنهرنا
الماصفه فد يوم طينه
وصفينا نعيد بالتاريخ
ولعصر الجاهليه اليوم ردّينه
ولاجنّه أول حضاره صارت عل الكاع
ولاجن أول مسّله أحنا سنينّه
ولاجن حكمنا الدنيا من بغداد
ولاجن المنايا تخاف لو سمعت بطارينه
ولاجن كبل واحدنا من ينضام
يفز الكَلب من حشاه ويعينه
شجانه اليوم بس كاتل ومكتول
لارحمة بكلبنه كلي شبينه
نبوك من الليالي مسامر الخلاّن
ونكطع وصل حبهم من شراينه
نحّرم كل ترافه تخطر عل البال
وندندن صرنا بالبسكوت اغانينا
وصفينا كلشي ماحاوين
لاحاضر جديد ولاماضي
قديم الي يواسينه
نهاجر نكول بلكي يهدَ البال
بره ونحقق امانينه
ومن نفرح غفل نبجي بدمع مهضوم
لان فرحتنا تغّص بكل مآسين
منـــــــــــقول
| |
|
*~Tena_1996~* نبوض صار ملك مبدع
عدد الرسائل : 325 العمر : 28 العمل/الترفيه : طالبة علم الدوله : تاريخ التسجيل : 01/07/2008
| موضوع: رد: كلمات بسيطه..للعراق الجريج الأحد يوليو 13, 2008 10:00 am | |
| | |
|
الحب المستحيل نبوض صار ملك مبدع
عدد الرسائل : 484 العمر : 33 المزاج : ليس وجود راحة في الحياة تاريخ التسجيل : 26/07/2008
| موضوع: رد: كلمات بسيطه..للعراق الجريج الجمعة أغسطس 08, 2008 10:08 am | |
| عصفورة اخخخخخخخ منج كلشي ما افتهمت من الخط مالتج كبيره ترة من التركيز راح نعمى ههههههههههههه شكرا يا وردة | |
|