انتي مو حلوة !؟
انتي مو حلوة ولاوجهج جميل
انتي اية من الجمال منزلة ...
انتي لعابة بحضن طفلة ملاك
وانتي طفلة بلا حضن ومدللة ...
انتي احلى من العسل شوصف شكول
وكل صفات البيج حلوة مكملة ....
انتي عينج حوتة وبنص البحار
الله يستر منهة حلوة مكحلة ...
الحلك محبس بعد والخد شكول
والرمش سعفات سودة مدندلة ...
والشعر مي لو مشت مثل السراب
والله عجبة شلون مي اتجذلة ...
وج والله احبج واليحبج مو حرام
عفية ارحميني ولج كلبي ابتلة ...
تاه كلبي الجان يعرف كل طريق
وكام يترجة الكلوب توصلة ...
اقري مرة عيوني وجن بيدج كتاب
وشوفي لجلج وش تكول الاسئلة ...
انتي درس وشرحي ماضنة يفيد
وصعبة للمايفهم احنة نوصلة ...
ليش مانفهم سواليف العيون
وليش دمع العين عالخد نهملة ...
وصرت احسد حتى بزازين الطريق
وماكو هر الا ويا وحدة تغازلة ...
والسؤال الثاني اسمع وش يكول
بس احس ناقص وعايز تكملة ...
وجهك انت تغيرة بالوان النساء
والصبح من تكعد انتة تغسلة ....
ربي ادري الي خلق بيج البياض
ولون شفتك بس دكلي مبدلة ....
انتي مو حلوة لجن كلبي اللعين
رفض غيرج لا ابد ما يدخلة ....
ارحميني ارجوج وج والله حرام
كلبي حبج وانتي حل المسئلة ...
همر صيري وخل جنودج كبرياء
وارضى انة بحبج اصبح قنبلة ....